السلام عليكم ورحمة الله..
عنوان شكله كده مقبض مش كده؟؟لكن للأسف..هو ده الوضع اللي أنا عايش فيه حالياً..
بتسألوا عن السبب..والله هي أسباب مش سبب واحد..السبب الرئيسي منها الكلية الكئيبة اللي أنا فيها..
يا ترى يكون إيه شعورك لما تلاقي نفسك تصحى الصبح كل يوم لمجرد إنك تروح الكلية وتقعد تنام في المحاضرة؟؟؟يبقى لزمته إيه المرواح أصلاً؟؟
يا ترى يكون إيه شعورك لما تكون إنت ياللي كنت لسه إمبارح خايف من إمتحان الأحياء ومش عارف ترسم الغدة الدرقية وأديك بتشوفها وتشوف أكتر منها في المشرحة يومين في الأسبوع؟؟
يا ترى يكون إيه شعورك لما تكون طالب طب وأبوك دكتور؟؟طبعاً هتقوللي ده كويس.. هيساعدك ومش عارف إيه..هه..للأسف الموضوع على العكس تماماً..واحد لما تيجي تسأله يعني إيه spleen (طحال) يسمعلك تاريخ الطب كله ويقعد يكلمك عن الخواجة بتاع محمد وبهيرة إلخ إلخ....!!!
شعور صعب مش كده؟؟لكن برضه الحمد لله على كل حال..
سبب آخر للكآبة..اليوم الماضي = اليوم الحاضر وسيساوي اليوم التالي..الأسبوع الماضي = الأسبوع الحاضر..ملل أزلي..لا شئ جديد تحت الشمس..كل يوم عدا الجمعة :استيقاظ-ذهاب للكلية-نوم في المحاضرات -خناق مع أصحابي!-رجوع للبيت-خناق مع إخواتي-كمبيوتر-أنمي-نوم!
حياة كئيبة والحمد لله على كل حال..الواحد مبيحمدش ربنا لكن لازم أرضى بقسمة ربنا عشان أقدر أعيش..
ربنا يفرجها علينا وعلى العرب والمسلمين وعلى كل اللي بيقرا البوست ده ولا إله إلا الله وحسبنا الله ونعم الوكيل!
شكراً..
الاشتراك في:
تعليقات الرسالة (Atom)
هناك ٤ تعليقات:
والله عندك حق يابني00بس حنعمل الحمد لله 00دي أهم حاجة 00مش كده؟
مع تحياتي00
والسلام عليكم0
على رأيك..فعلاً لو الواحد محمدش ربنا على اللي هو فيه ممكن يتجنن ولا ينتحر وآخرتها يموت كافر!
إحنا مش عاوزين بعد كل ده نيجي في الآخر ونكفر..ربنا يوفقنا ونستحمل الكلية أو مصحة الأمراض النفسية ^^..
شكراً..
يادكتور هى دى طبيعة الكلية التقيلة اللى أنت فيها أمال أنت عايز القب ببلاش ولا أيه معلش السكة طويلة وغلزة بس من طلب الطب سهر الليالى ونام فى المحاضرات
حاول تستمع بالدراسة
الغريب
شكراً لك يا أخي الغريب على الرد..بصراحة أنا أول مرة أسمع جملة (من طلب الطب سهر الليالي ونام في المحاضرات)دي!!:)
عموماً لو إنت داخل الطب بمزاجك كنت هتقول كده عادي..فما بالك بواحد داخلها غصب عنه؟؟!!(زيي!)
شكراً..
إرسال تعليق